Að gefnu tilefni vill stjórn Starfsmannafélags Garðabæjar ítreka að ekki er leyfilegt að framleigja  bústaði og tjaldvagn félagsins til annarra.  Afnot af eigum félagsins er eingöngu fyrir félagsmenn þess.

Vakin er athygli á að eftirfarandi ályktun var samþykkt á aðalfundi félagsins 16. apríl 2002.

"Aðalfundur beinir þeim tilmælum til stjórnar félagsins að hún setji viðurlög gegn þeim sem brjóta reglur um leigu orlofsbústaða/tjaldvagna  t.d. að taka með sér gæludýr í bústaðina eða framleigja eða lána þá öðrum.”

Jafnframt er rétt að minna á að í leiguskilmálum í leigusamningi segir: 

"Leigutaka er óheimilt að framselja þennan samning."
"Leigutaki ber ábyrgð á húsinu og öllum búnaði þess meðan á leigutíma stendur og skuldbindur sig til að bæta það tjón sem verður af hans völdum eða þeirra sem í húsinu dvelja. Leigutaka bera að tilkynna um allt tjón til orlofsnefndar"

Rétt er að ítreka, því miður einnig að gefnu tilefni, að dýrahald er einungis leyft í Reykjabæ í Reykjaskógi.

Brot á leigusamning og reglum þessum geta varðað allt að 2 ára leigubann.